"Deputat Eldar Quliyev tez-tez əxlaqsızlıq yuvalarına gedir" — Partiya sədrindən ŞOK İDDİA
Müasir Müsavat Partiyasının sədri Hafiz Hacıyev Milli Məclisin deputatı Eldar Quliyevlə bağlı sensasion açıqlama verib.
Faktinfo.az xəbər verir ki,Hafiz Hacıyev Demokrat.az-a açıqlamasında iddia edir ki, Eldar Quliyev Milli Məclisin xətti ilə xarici ölkələrə səfərlər edən zaman deputat adına yaraşmayan əxlaqsız hərəkətlərlə məşğul olur:
"Əgər Eldar Quliyev açıq deyirsə ki, mən Fransaya gedib fahişə ilə görüşdüm, artıq onun kim olması cəmiyyətə bəllidir. Bunların hamısı əxlaqsızdırlar. Deputat Eldar Quliyev xaricə səfərlər edəndə tez-tez oradakı əxlaqsızlıq yuvalarına gedir, oradakı qadınlara pul xərcləyir, fahişəxanalarda özünü biabır edir. Sonra da çıxıb yalandan deyir ki, guya Fransada olarkən fahişə görüb və onunla söhbət edib. Adama sual verərlər ki, ay Eldar Quliyev, sən Milli Məclisin deputatı ola-ola Fransada fahişəxanada nə gəzirdin? Baxın görün ki, bu adamlar dövlətimizin başını necə yerə soxurlar. Bunlar həm özlərini, həm də dövləti biabır edirlər. Eldar Quliyev tək deyil, onun kimi başqa deputatlar da var ki, gedib Avropa ölkələrində yüz avroluq fahişələrə pul xərcləyirlər. Sonra da gəlib Azərbaycanda kişilikdən danışırlar. Bu cür deputatlar Azərbaycanın adına başqaxıncıdırlar".
Sözügedən ittihamlarla bağlı deputat Eldar Quliyev informasiya sorğumuza cavab verməyib.
Bu xəbər üçün şərh yazın