Deputatlığa namizəd Aqiyə Naxçıvanlı daha 4 kənddə seçicilərlə görüşdü - FOTOLAR

Namizədin seçki qərargahından Faktinfo.az-a verilən məlumata görə,görüşdə Aqiyə xanım çıxış edərək Yeni Azərbaycan Partiyasının seçki platforması haqqında geniş məlumat verib. Dövlət başçısının rəhbərliyi ilə ölkənin hər yerində olduğu kimi Qəbələdə də aparılan abadlıq, quruculuq işlərindən, şəhid ailələrinə, müharibə veteranlarına və ümumilikdə vətəndaşlara göstərilən qayğıdan danışıb. Seçicilər adından çıxış edən -Cəmaləddin Səmədov, Orxan Rəsulov, Mirağa Cəlilov və digər sakinlər bütün bunlar üçün dövlət başçısına, onun xanımı Birinci vitse-prezident Mehriban Əliyevaya dərin minnətdarlıqlarını bildiriblər. İndiyədək deputatlığı dövründə Aqiyə xanıma da onların müraciətlərini cavabsız qoymadığına görə təşəkkür ediblər.

Görüşün sonunda seçicilərin problemləri ilə maraqlanan deputatlığa namizəd qeydlər aparıb və onların həlli istiqamətində müvafiq qurumlara məlumat verəcəyini qeyd edib.

Seçicilər yekdilliklə fervralın 9-da keçiriləcək seçkilərdə fəal olacaqlarını ifadə ediblər.