Di Mariya “Qalatasaray”a keçə bilər 

İtalyan insayder Nikolo Skiranın yaydığı məlumata görə, “Qalatasaray” Argentina millisinin üzvünün xidmətində maraqlıdır. 35 yaşlı vingerin Turin klubu ilə müqaviləsi mövsümün sonunda başa çatacaq. “Qoca sinyora” onunla yeni sözləşmə imzalamaq istəmir.

Portuqaliya çempionu “Benfika”da Di Mariyanı heyətində görmək istəyir.

Qeyd edək ki, təcrübəli oyunçu cari mövsüm “Yuventus”da 39 oyuna çıxıb, 8 qol və 7 məhsuldar ötürmə ilə yadda qalıb. Di Mariya 2022-ci ildə Argentina yığması ilə Qətərdə keçirilmiş dünya çempionatının qalibi olub.