SOCAR-ın tenderləri verilən Sərraf Məmmədzadə kimdir? - AÇIQLAMA 

Və mənim bildiyim bu məsələləri çoxdan demişdim və deyirdim də. Amma çox təəssüf ki, hakimiyyətdən olan bəzi dairələr özlərini o qədər ağıllı hesab edərək, bizim dediklərimizi qulaqardına vururlar, əhəmiyyət vermirlər. Və nəticədə həmin məsələlər təsdiqini tapanda bu, Azərbaycan dövlətçiliyi üçün mənfi çalarlar yaradır”.

Bunu Müasir Müsavat Partiyasının sədri Hafiz Hacıyev deyib.

Partiya sədri bildirib ki, E.Həsənovun həbsi əslində gecikdirilib: “Əlbəttə ki, bəziləri bizi yıxılana balta vurmaqda günahlandıracaqlar, təhqir edəcəklər, amma istərdim bir xatırlatma verim: Xatırlayırsınızsa, Moskvada bir milyoderlər İttifaqı yaranmışdı. Onun başında Eldar Həsənov, Abbas Abbasov dayanırdı. Bu adamlar bir-birinə doğma qardaş qədər yaxındılar. Bunlarla xarici səfərlərdə, müəyyən məsələlərdə biryerdə olmuşuq, ona görə deyirəm. Abbas Abbasovun bizim vaxtımızda müavin olması, Eldar Həsənovun daxili işlər nazirinin müavini olması... Eldar Həsənovun nazir müavini təyin olunması məsələsində o vaxt İstanbulda “Çırağan” otelində gedən söhbətlərdə mən iştirak etmişəm. Yəni Eldar Həsənovu yaxından tanıdığım bir insan kimi deyə bilərəm ki, bu gün onun həbsi məsələsi bir az gecikibdir.

Yəni o vaxt Milyaderlər İttifaqı yarananda Azərbaycanda artıq Rusiyanın belə bir planı var idi. Bizim indi Azərbaycanda özünə “ana, dədə müxalifət” deyənlər o vaxt “peşka” idilər, heç kim idilər, sadəcə arxalarında duran müəyyən qüvvələr var idi. Hərənin bir missiyası, bir rolu vardı, kim hansı rolu oynayacaq. Məsələn, müxalifət çirkli pullarla, Eldar Həsənovun pulları ilə, Azərbaycandan oğurlanan pullarla burda haranı qarışdırmalıydı. Azərbaycan dövlətinin varını oğurlayıb özlərinə xaricdə şirkətlər yaradırdılar ki, həmin pullar həm Azərbaycanda müxalifətə xərclənirdi, həm mediasına xərclənirdi. O cümlədən xaricdə yaranan internet telekanalları, hamısı o mənbədən maliyyələşirdi”.

H.Hacıyev bildirib ki, həmin vaxtlar Cəmil Həsənli, Rüstəm İbrahiməyov birgə müəyyən işlər görürdülər. Onun sözlərinə görə, bu gün o qüvvələrin bir-birindən aralanmalarına səbəb Eldar Həsənovun hakimiyətə gəlməsi məsələsinin müzakirəsiylə bağlıydı: “Məqsəd, Putinlə əlaqələri qurmaq və Eldar Həsənov hakimiyyətə gəlsin. Bu yöndə hərəsinə bir vəzifə bölünmüşdü. Xatırlayırsınızsa, 3-4 il bundan öncə sizin verlişdə sual etdim ki, yaxşı, filankəs prezident olacaqdı, bəs Baş nazir kimdi, Prezident Aparatının rəhbəri kim olacaqdı, baş prokuror, daxili işlər naziri kim olacadı? Axı bu, böyük bir dövlətdə müzakirə olunmuşdu. Yəni bu məsələnin kökü gedib uzaqlara çıxır. Bu məsələdə birinci şəxs Eldar Həsənov nəzərdə tutulmuşdu. Eldar Mahmudovun orda iştirakı var idi, bu gün də var, Ramiz Mehdiyevin də iştirakı var idi, bu gün də var. Azərbaycanın müstəqilliyinə zərbə vurmaq istəyən insanların iç üzü açılmalıdır. Müstəqilliyi qazanmaq üçün canımızı vermişik, həbsxanalarda çürümüşük, şəhidlər vermişik. Mübarizəmiz davam etməlidir. Həmin o komanda bu gün də aktivdir. Eldar Mahmudov çöldə, Ramiz Mehdiyev çöldə, Əbülfəz Qarayev çöldə, digər nazirlər çöldə. Hamısının əlində Azərbaycan dövlətinin büdcəsindən talan etdikləri milyardlar var. Eldar Həsənov Əli Ömərovun Baş prokurorluğu vaxtında baş prokurorun müavini olanda OMON hadisələrini kim törətdi? Eldar Həsənov zəng edir Mahir Cavadova ki, gəlin. Özü siqaret almaq adı ilə çıxır və orda aləm qarışır bir-birinə. Orda Əli Ömərova qarşı haqsızlıq edilir”.

MMP sədrinin fikrincə, E.Həsənovun həbsi bir az da geciksəydi, hakimiyyətdə böyük bir dəyişiklik olacaqdı. Onun sözlərinə görə, Tovuz hadisələrində kütlənin Parlametnə basqın etməsi də təsadüfi deyildi: “Siyasətlə məşğul olmayan insanlar da bunu bilir ki, çıxarılan məmurların işi idi bunlar. Başlarında Ramiz Mehdyev, Eldar Həsənov durur. Məqsədləri güc göstərmək idi. Bu hadisə Eldar Həsənov vəzifədən çıxarılandan sonra qurulmuş oyun idi. Abbasov elə belə idtefaverib getmədi ki. Bunların böyük planları var idi. O planlar həyata keçmək üzrədir. Bu gün indi Eldar Həsənovu zərərləşdiriblər, amma onun ətrafı durur. Məsələn, “Azol komplekt” açıq səhmdar cəmiyyəti var, bir rəhbəri Sərraf Məmmədzadədir. Deməli, bu adam Azərbaycanda qazlaşma işi ilə məşğuldur. Xaricdə milyonları var, bir dənə də Aysel Babayeva adlı, əslində Babayandır, sevgilisi var. Deməli, SOCAR-ın bütün tenderlərini həmin bu Sərraf Məmmədzadəyə verirlər, niyə? Hökumət bilmir ki, bu pullar hara gedir? Siyahıları var, filan partiyaya bu qədər, filan qəzetəbu qədər, filan jurnalistə bu qədər. DTX-nın siyahısı kimi bu da üzə çıxacaq”.

H.Hacıyev hesab edir ki, E.Həsənovun həbsiylə Azərbaycan müxalifətinin bangı bağlandı: “Niyə Eldar Mahmudov gedəndən sonra Kərimov Əlinin o bağırtılı mitinqləri baş tutmadı? Hamısının başında bunlar durur, bu gün də bunlar durur. Cənab prezident elə düşünməsin ki, Eldar Həsənovla hər şey qurtardı, yox. O qədər kök atıblar ki, o köklər hamısı münbit şərait yaranan kimi alaq otları kimi qalxmağa başlayırlar. Gültəkin Hacıbəyli deyir ki, Eldar Həsənov güclü adamdır. Belə güclü adamdı Tovuzda generallarımızı öldürən silahın verilməsinin qarşısını alaydı da. Eldar Həsənov hakimiyyətə gəlmk üçün nə lazım idi onu etmişdi və bu gün də edir. Onun barəsindəki hazırki maddələr bir tərəfə, dövlət çevrilişinə cəhdlə bağlı maddələr də qoyulacaq”.

İstintaqda kimlərin ortaya çıxmasına gəlincə, MMP sədri bildirib ki, Eldar Mahmudov, Ramiz Mehdiyev, Zeynal Nağdəliyev, Əbülfəz Qarayev, Abbas Abbasov, Moskvadakı Milyoderlər İttifaqının digər üzvlərinin adları çəkiləcək: “Bunlar qumarbazlar kimi milyonlar qoyublar ki, Eldar Həsənov prezident gəlsin, bunlar da biri baş nazir, biri baş prokuror olsun, yəni rəhbərliyi bölüşsünlər. Bunlar belədilər. Məsələn, Rövnəq Abdullayevin özəl təyyarədə gedərkən piyan olub İlham Əliyevin əleyhinə danışdıqlarını yazıb göndəriblər, niyə çöldə qalmalıdır? Niyə Sərraf Məmmədzadə Azərbaycanın milyonlarını mənimsəyərək aparıb Türkiyədə başqa şirkətlər vasitəsilə Eldar Həsənova ötürməlidir? Bu, böyük şəbəkədir, şəbəkə açılmalıdır. Məndə olan faktların hamısı əsas verir ki, bu məlumatları verim. Bir fakt deyim, Sərraf Məmmədzadə bir müqaviləylə 6 milyon 729 dollar qiymətinə Ukrayna şirkətindən guya boru alıb. Gətirib bunu şirkətə 14 milyona satırlar. Və bu pullardan 1 manat dövlət büdcəsinə pul keçmir. Necə olur ki, taksi sürücüləri vergi ödəyir? Siz də aldığınız rüşvətdən heç olmasa vergi ödəyin də bu camaat da dolansın. Deməli, Sərraf Məmmədzadə düz 13 milyon gəlir əldə edir. Xaricdə afşor şirkətləri, Türkiyədəki Matrix Group şirkəti. Bunları görmürlərsə, mən deyirəm də, getsinlər araşdırsınlar”.

H.Hacıyev onu da vurğulayıb ki, çoxlarının tanımadığı Sərraf Məmmədzadənin kim olduğunu tanımaq istəyənlər onu Rövnəq Abdullayevdən soruşsunlar: “Rövnəq müəllimin yaxın adamlarındandır, hansı ki, Azərbaycanda qazlaşma işiylə məşğuldur. Dövlət qaz çəkilişiylə bağlı pul ayırır, Sərraf Məmmədzadə də aparıb xaricdə yatırır. Millətin də qazı yox, işığı yox”./Versus