“Türk Hava Yolları” 47 istiqamətdə endirim kampaniyasına start verir - Detallar

 47 istiqaməti əhatə edəcək endirim kampaniyasının biletlərini 7 avqust tarixinə qədər əldə etmək mümkündür. Vergilər biletlərin qiymətlərinə daxildir.

Endirimli qiymətlərdən yararlanaraq ekzotiv Maldiv, Mavriki, Bali və Seyşel adalarını, həmçinin, THY tərəfindən yeni açılmış Marrakeş, Mexiko və Kankun istiqamətlərini kəşf edə bilərsiniz. Bu istiqamətdə uçuşların qiymətləri 499-699 Avro aralığındadır.

Bundan başqa, ABŞ-ın Vaşinqton, Boston, Hyuston, Atlanta, San-Fransisko, Los-Anceles and Mayami şəhərləri də endirimli kampaniya siyahısında yer alıb. Qeyd olunan istiqamətlərdə biletlərin qiymətləri 599-719 Avro aralığında dəyişir.

Latın Amerikasına səyahət etmək istəyənlər Buenos-Ayres, San-Paulu, Boqota, Havana, Panama, Karakas şəhərlərinə avqustun 7-nə kimi 699 Avro ödəməklə səfər edə bilərlər.

Kampaniya çərçivəsində Uzaq Şərqi seçənlər 479-599 Avro ödəməklə Pekin, Honkonq, Tokio, Seul, Kuala Lumpur, Manila, Sinqapur, Banqkok, Phuket, Hanoy və ya Hoşimin şəhərlərindən birinə səyahət edə bilərlər.